تبلیغات در اینترنتclose
تایپیک شعر های لری
::: در حال بارگیری لطفا صبر کنید :::
تایپیک شعر های لری
برترین رسانه موسیقی لری | سایت آهنگ لری دات آی آر
نام کاربری : پسورد : یا عضویت | رمز عبور را فراموش کردم

صفحه اصلیشعر های لریتایپیک شعر های لری

تعداد بازدید : 737
نویسنده پیام
admin آفلاین


ارسال‌ها : 25
عضويت : 19 /7 /1394
محل زندگي : باشت
تایپیک شعر های لری
شعر های لری خود را اینجا انتشار دهید
دلم من کهله ی عشقت نشهسه/
صیادی یه که سر او رهته بهسه/
توکوگ مهس وتشنی چاسخاری/
دل هم مث پلنگی مهس مهسه/
شعر از عباسی


خدا امسال توهم ری وم نکردی؟
منی بازاریه سیلی هم نکردی؟
من شیبش خدا گوکُم دَرومه/
اقلا شیبشه هم کم نکردی؟/
عباسی

امضای کاربر :
دوشنبه 27 مهر 1394 - 16:00
وب کاربر ارسال پیام نقل قول تشکر گزارش
admin آفلاین


ارسال‌ها : 25
عضويت : 19 /7 /1394
محل زندگي : باشت
پاسخ : 1 RE تایپیک شعر های لری :
دونم وَجرم عاشقی آخر وَدارم ایزنه/
لیلی نیا سی دیِنُم شُل سَر مزارُم ایزنه/
دونُم برنجاس تیَش دردمه خو ایکنه/
تو لرز عشقت ایگرم تش مِن قرارم ایزنه/
ایشاچطور ایخیت که مو وباغ گل دل ورکنم/
موقی خدی بالی سری چشمک ویارم ایزنه/
جرمم ینه دل دادمه دل وش سُدن سیم مشکله/
مث شیردوشل سرحدی هر روز نکارم ایزنه/
شولیز گل من قلبمه رحمش بکن بالش

امضای کاربر :
یکشنبه 05 اردیبهشت 1395 - 16:59
ارسال پیام وب کاربر نقل قول تشکر گزارش
admin آفلاین


ارسال‌ها : 25
عضويت : 19 /7 /1394
محل زندگي : باشت
پاسخ : 2 RE تایپیک شعر های لری :
شوسهون ایله گروته، تش و تنگی بزنیت

منه ای چاله ی سهکور، خرنگی بزنیت

یو چه بدبختی ی که بهسه و جونت خونه

یو چه سرمایی که برنایه کمر افتونه

اور سه ویرکشه هر روز و بارونی نی

شوک گاله ایزنه و مرغ غزل خونی نی

یخ و سرمای ایزنه و تشک چراغه ایکشه د

سوم و سرتش همه ی دارل باغ ایکشه د

مو که نشنفتم و نییم زمسون ایطو بو

تک کنه حونه ی مردم و هوا شرطو بو

روزگاری همه جا کوگ و تهی بال ایزه

پازن مهس کلو لرکه ،من ای مال ایزه

تل و صحرا سبت سرخ شقایق ویبی

گل باوینه وری بشمییل عاشق ویبی

عشق ایخندس و موج ایزه زر سایه ی نار

زمسون دهس کمش نرگسه ایدا و بهار

پییز عاشقتر توسون و بهار ایبی دَ

تش و برق ایکه زمهسون و سوار ایبی دَ

بید مجنون پلش ایششت زر اور بهار

تیل باغ بر ایکه قد و بالَی گلِ نار

شونم ایبی دم عیسی و وگل جون ایدا

جونه صحرا و در و دشت و بیابون ایدا

دل مردم خش و زندی خش و خشتر دل دشت

نه صدای شربه و شیون نه صدای شوک پلشت

عشق ایباری و عشقه همی جا ایدیییم

زر بارون خدا زنده وعشق ویبییییم

قوم و خویش و در و همسایه ککا بیین دَ

سی دوای دردلشون دهس دعا بییین دَ

غضبی اومه یه دفه تش آبادی زه

تش هرچی غله و نون خدادادی زه

چشمه خشک آبی و بنگشت و تشنی جون دا

هر چه اور اومه فقط حسرتی و بارون دا

نفس نحس خومو بی که غزون وابیییم

دهس و پا بهسه ی زنجیل جنون آبییییم

نفس عشقه که جون اییه و زنده ی هممون

نفس عشقه نبوهه اجلت نیییه امون

عقل ومو داده خداوند که آدم بیمو

منه ای عمر دو روزه همه با هم بیمو

بین ای مردم ساویله دورنگی نکنیم

منه پوس بره و میش پلنگی نکنیم

ور بییمو چپ و راس و خط وخط بازی نَ

کینه و دشمنی و دوز و دغل بازی نَ

دینَ دنیا زر و ری کردنَ عادت نکنیم

علی آبیم و وته پشتَ عدالت نکنیم

پیر و پیغمبرِ ای مردمَ غارت نکنیم

غیر کعبه ی دلشو هیچه زیارت نکنیم

بختت ار کرده گل و نوم و نشونی داری

در و تخته ی ویک آبییه و نونی داری

نکنه نکبت سه، بنده ی میز آبی دَ

زر خالین ملت گَنده رمیز آبی دَ

قدر ای فرصت چند روزه نَ باید دونس

دیرتر تا که نوابییه دَ باید جُمس

اسبل زین بکنیتون و سوار آبیتو

قاصد اومین فصل بهار وابیتو

و گل و شونم و باوینه سراغی بگریت

سر هر کیچه ی سه کور چراغی بگریت

بشنفیت درد دل ای مردمه، بی درد نبیت

در حق مردمتون یی قذه نامرد نبیت

دو رکعت عشق بخونیت و یه کاری بکنید

من ای سه زمهسون فکر بهاری بکنید

برگرفته شده از : lorzaban.blog.ir
استاد مجيد نگين تاجي

امضای کاربر :
یکشنبه 05 اردیبهشت 1395 - 17:00
ارسال پیام وب کاربر نقل قول تشکر گزارش
admin آفلاین


ارسال‌ها : 25
عضويت : 19 /7 /1394
محل زندگي : باشت
پاسخ : 3 RE تایپیک شعر های لری :
دس بالم خالیه هیچی نیارم

چی چویل من کمر سیت بیقرارم

شاهینم کبوترم خوم کوگ مهسم

یای او روزی وخیر که تیت نشسم

وطلا گرون تری نرخ دلاری

وهمه عزیز تری سالار مالی

چی تفنگ آمریکایی قنداق کوتاه

نمونت گیروم نیا حتی اروپا
قیلونی سیم چاق کنین مهلی خمارم

بکشم تادم صبح وداغ یارم

زغالش بلیطی بو، تنبکوش نعنا

تابگن سی دلبرش عمرشه درنا

امضای کاربر :
یکشنبه 05 اردیبهشت 1395 - 17:00
ارسال پیام وب کاربر نقل قول تشکر گزارش



برای ارسال پاسخ ابتدا باید لوگین یا ثبت نام کنید.



تمامي حقوق محفوظ است . طراح قالبــــ : روزیکســــ